Wikang Filipino sa Iba't Ibang Larangan

 

Ang Wikang Filipino sa Iba’t Ibang Larangan

Ang wika ang kasangkapan para sa pag-unlad ng isang bansa. Maging sa pagsulong ng kultura, edukasyon, agham, sining at huminidades. Kinakailangan ang pagkakaroon ng isang wika ginagamit upang magkaunawaan ang buong sambayanan. Ayon sa Artikulo XIV, Seksyon 6 sa Saligang Batas noong 1987, ang wikang Filipino ang siyang wikang opisyal ng Pilipinas. Ito rin ang Ligua Franka ng bansa. Nakasaad sa Seksyon 6 na ang Wikang Filipino ay dapat pagyabungin at pagyamanin kesa sa mga ibang wika ng Pilipinas. Ang wikang Filipino ang siyang gagamitin sa pagkatuturo sa sistemang pang-edukasyon.

Ginagamit ang wikang Filipino sa iba’t ibang larangan ng Agham Panlipunan o Politika, Humanidades, Agham at Teknolohiya, Negosyo at Industriya.

Wika sa Larangan ng Agham Panlipunan o Politika

Ang wika ang siyang ginagamit na kasangkapan sa pagkakaroon ng ugnayan sa pagitan ng pamahalaan at ng pinamamahalaan o ng mamamayan. Dahil dito, dapat lamang gamitin ang wikang pang-komunikasyon ng isang bayan upang magkaroon at magkaunawaan ang lahat. Sa larangan ng Agham Panlipunan ay mayroong dalawang daloy o proseso ng komunikasyon. Una ay ang paghahatid ng mensahe o pag-aatas ng naayon sa batas, at panglawa naman ay ang tugon o sagot ng mga mamamayan. Kaya naman ang wikang Filipino ay dapat lamang gamitin na lenggwahe sa batas at sa politika. Gayon din sa loob ng hukuman.

Wikang Filipino sa Larangan ng Humanidades

Ang humanidades ay tumutugon sa isang pangkat ng palagay at saloobin na nakatuon sa pagpapahalaga sa buhay. Ang wika ang may pinaka malaking papel na ginagampanan sa bansa. Dahil higit nang malawak ang saklaw nito na maaring nang talakayin ang mga kultura, pagpipinta, musika, estruktura at iba pa. Kaya naman sa tulong ng wika napapalawak natin ang ating sarili upang mas higit na maging maingat at pagiging magalang sa paniniwala ng ibang tao.

Wikang Filipino sa Larangan ng Agham at Teknolohiya

Sa patuloy na pag-unlad ng ating bansa sa teknolohiya kasabay nito ang pag-unlad din ng ating wika. Kaya naman sa kabila ng hamon ng bagong siglos a edukador at sa tagapagpalaganap ng wikang Filipino. Mas pinagbuting gamitin ang wikang Filipino sa pagtuturo at pagsulat sa larangan ng Agham, Matematika, at Teknolohiya. Dahil ayon sa kanila ang paggamit ng wikang Filipino o wikang katutubo sa ibat ibang larangan ay mas nagdudulot ng mahusay, mabilis at mabisang pag-unawa ng mga Filipino sa asignatura. Kung gagamitin ang wikang katutubo na siyang mas alam at naiintindihan ng mga tao, mas malaki ang posibleng pagkapasa ng mga tao dahil lubos nilang naunawaan ang pagsusulit.

Wikang Filipino sa Larangan ng Negosyo at Industriya

Dito sa larangang ito ang daigdig ng cycberworld na kung saan lahat sa paligid natin ang web site, internet, e-mail, at iba pang kagamitan na makakatulong sa pagkakaroon ng mas mabilis na daluyan ng komunikasyon. Sa larangan ng Negosyo at Industriya ginagamit natin ang wikang Ingles kapag tayo ay nakikipag-usap isang banyaga. At wikang Filipino kapag ang ating kausap na negosyante ay kapwa Filipino.